Walking with a limp: 恩賜？！ 2

2012年4月1日星期日

恩賜？！ 2

上星期同最忙好友分享左我的恩賜..
再次有機會檢視自己的召命..

我一直冇諗過自己會有恩賜,
就算有,我以為會係安慰人或者同人傾計個類..
點知,佢比我既係呢樣..
一直都知道我好想好想比人認同
我想得到認同感,最佳的方式莫過於係在服侍中獲得稱讚.
點知,上帝似乎向我指出了另一條道路;
天父似是要我學習什麼是正面評價自己..
唔係靠人的說話,而係從神處明白並了解自己的價值.
呢樣野,一直係我要/想面對既事..

代禱,絕對係參與比較多,滿足感比較低既事奉..
當記掛上帝的事,自然就會勁祈禱..
好奇怪的,係會開口埋口都會掛係口邊既禱告中..
而最有趣的,是人對禱告的了解仲係好少..
到底在祈禱中被代求者, 代求者與神之間的互動係點?
我依家都仲係好唔清楚..
祈左,件事唔一定會變好(在人的角度);
話唔定在唔知幾耐之後,人先會明白神的心意..
原來,佢有佢既美好安排

做一個代求者,要學習仰望上帝的大能..
烏西雅王崩又好,亡國又好,都要相信神就是那創始成終的一位.
當看不到盼望的時候,仍確信上帝會臨在.
憑著信呢首詩歌,好清楚咁表達左信及隨之而來的恩典.

星期五心情太差.走左去海邊同神傾計..
佢講左兩句說話,即時收拾左我..
"無人可以奪去我的兒女"
"你當剛強壯膽,不要懼怕,也不要驚惶."
大佬,你連出兩招必殺技,我仲可以點?
除左俯伏,再無其他可能.
當我失去信心時,
天父卻三番四次去鼓舞我..

老實說,對於我的兩大calling,(教養孩童&牧養羊群)
我都係以摸著石頭過河的心態去做..
有太多變數超出人的控制了.
強勢做事?! 呢套係自殺專用的技倆..
天父同我講左好多次, 我要學&做的,係做0.0000001%既野,
然後勁祈禱求神出手做埋其他手尾佢..

放棄對身份的執著;
放棄對某些認同的渴求;
放低計較的心態;
不是表面上的扮不在乎,
而是從心而發的視之為浮雲.
我渴望有一日,我可以完全無視組長這個名份所帶來的各種心理影響
當呢一日來到,我可能會辭職
(我仲未想清楚當中的利害關係呀..當住係狂想先吧~)

-------------------------------
好多野想記低,卻只有很少心力去將之組織成一篇文..
只好係呢度post一些東西..

1.有關選特首: