怪獸在心中

 

一直以來我都相信我的心中是住左一隻怪獸的。它叫做情緒。

在我的生命中，我一直嘗試了解及駕馭它，不過到依家成果仍然有限。

 

今日考mid term 時一些情緒突然爆發出黎，

個種程度差不多把我的意識淹沒了。

我完全集中唔到精神應試。

尋晚已因為此事而感到筋疲力竭，想不到仍然未能抑制此情緒的爆發。

昨夜我係張床度問上帝點解會咁。。

我理應已完美咁ko左佢，不是嗎？為何仲係會咁。。

 

 

呢幾年我一直都覺到自己係控制情緒方面有成就架。

都以為自己可以學以致用，將情緒四重奏既招式用黎處理我既情緒。

點知，原來有啲位係我到依家都未處理到的。

 

個人而言，我係想克服呢個dark side 的。

我想知我點解會有咁既反應.. 可惜，我用左好多年都仲係揾唔到答案。

我好似睇得穿少少表象，但係又未發掘到本相。

 

有時真係好矛盾,我又想有人同我分擔呢件事,

但係又怕別人會唔明我既心情..

我唔想人地當聽左個故事咁就算..

能搵到一個情感細膩而又能共我分擔此事的人嗎..

 

天父,我知你明白我的軟弱的...

 

ps 想不到兩年前自己寫既野,反倒成為自己現在的安慰..