不可或缺的教會 1 : 回顧小組

 

 

最近睇緊一本叫做<不可或缺的教會:重獲流失的一代>的事..

作者嘗試分析為什麼青少年會離開教會,

他得到的答案,並不是大家所想的那樣..

這些青年人提供的答案指出，他們的流失，非因－上大學沒有時間.生活轉變.失去他們的宗教信仰，而是渴望有真正的屬靈群體，卻不得要領，勉強維持現狀，終因受不了不進則退的陳腐而選擇離開。

由於時間的關係,我只睇左幾十頁..

一路睇,我不期然想起自己的小組..

呢幾個月,有D時間去整理一下小組呢幾年的經過..

我諗有幾個位是值得記下的..亦值得有一些反思..

 

1) 著重個人修行

呢個小組比較特別的地方係大部份人都對自己的方向有一套想法..

不會盲目跟人去做..

衍生出來的就是大家在信仰的追求上亦傾向自己黎..

即自行朝住心目中的方向前行..

相對黎講,就冇咁著重集體祈禱,讀經等等..

一方面,造就大家的信仰上百花齊放.

一方面亦令小組缺乏一齊去實踐某目標的動力..

現在回想,我覺得有點可惜..

我們是應該嘗試去一起實現某些目標的..

可惜自從會考之後,我們再無一個共同的方向..

很多時很多事都會單打獨鬥..

將來,很想多點一起去做一些事,如禱告..

 

2) 在信仰上非常忠心

係呢個小組,完全可以感受到咩係盡忠職守..

一個個的組員,都很願意付出自己的時間去事奉教會,服侍他人..

每次參與大型活動,總有組員願意站出來在各種崗位幫忙.

當然,組員亦會投身於日常的教會運作中.

這份承擔,實在令我感動..

除了說一聲"你們的勞苦不是徒然"之外,我也不懂該說什麼..

我真的很欣賞你們呢..

看到你們默默的付出,我真係很想為此感恩.

如果這是一份精神,真的很希望可以繼續流傳下去..

 

3) 少分享感受,多講述事件

作為男子組,青10是一個傾向分享見解的小組..

我們常常都會好似開學術研討會咁探討一些信仰/時事話題..

我想,這亦是我們的一個特色,XD

男性之間,重視的是討論事情的原因經過解決方法等..

而感受往往是大伙兒最少分享的..

這樣的分享,內容或許是深入的,

但卻不貼近生命生活..

通常大家都會認真聽你講野,

但卻不太知道給予恰當feedback的重要..

呢樣,真係男仔既短版.. =.='

 

4) 非常重視先輩們.

呢個係我覺得很有趣的地方..

我覺得呢班男仔對歷代組長抱有一份特別的尊敬..

他們為大家所做的事,會長期流傳在新舊組員之間..

我相信,這並不是念舊咁簡單,

而係源於感激他們的付出..

上次新先生分享,我見到成班組員坐定定,

個個好似乖學生咁,個種感覺好得意XD

 

以上,就係我對青10大圍的觀察.

係呢幾年中,我的身份讓我有機會用兩個角度去看組員..

其實咁都幾有趣.HAHA

 

講番本書先~

一路睇呢本書,一路有一個問題存在心中,

到底我們的小組是組員們不可或缺的地方嗎?

之前做過一個問卷調查,算係了解到一點組員的想法..

 

 

睇番呢兩條問題,其實都幾感動..

原來大家係咁樣諗小組的..

不過,我未有足夠時間逐個人問下..

上個星期同新番黎的組員傾計,

佢話教會唔知點解會令佢願意花時間留係度,

我聽完之後開心左勁耐XD

 

話咁快呢個小組就行左六年..

到底我們應該點走下去?

這星期開組時無啦啦有機會去深思一下..

(TBC)