動人的拜托小姐

呢個暑假,竟然睇左人生的第一套韓劇.XD
套劇叫做拜託小姐..
如果唔係tvb重播,我應該唔會留意..

第一次花時間看韓劇,確實有唔少感受.
原來都幾好睇..我都幾享受睇呢套劇個十幾個鐘..
當我嘗試投入感情係呢套劇入面,自自然就會比佢吸引住..
當然啦,美麗的女主角為套劇加分不少,尹恩惠真係好可愛~~
同埋男主角勁有男人味..
睇住男女主角經歷重重困難走在一起,
我完全投入左入去.. =.=''





點都要講下套劇既,個內容都幾誇張,
講一個管家同個超級有錢女發生感情..
由一開始有居心接近到後來愛上她...
導演用十幾集既時間去設計種種事情,
令佢地有機會修成正果..
中間當然有第三者阻撓佢地的關係啦.
最後好正路地兩個走番埋一齊..

老實講,全套劇個節奏真係幾慢..
有D位我覺得擺明係拖時間..
同埋幾個重要角色既性格唔夠鮮明..
部份轉折位有D牽強,減輕左對套劇既投入感..





睇完呢套拜託小姐,我諗我明多左少少點解D人會咁鐘意..
韓劇提供左一個空間比人投入佢既感情..
有機會去幻想自己同一個dream man/girl發生一段難忘的戀愛..
劇情合理與否並唔係重點,關鍵係感情線要牽動到人既心..
拜託小組入面差唔多集集都有接吻/拖手/擁抱/說情話..
(D主題曲亦都殺傷力驚人,首首都勁好聽..)
保證觀眾的情感一定會被內容牽動..





例如有一集講男主角徐東燦係醫院保護女主角惠娜,
拖住佢避開記者的追訪,我一路睇都覺得好正..
因為佢係個女仔最需要人保護既時候挺身而出..
除此之外,仲有好幾幕都好動人的.
如係海邊玩水,在路邊踩單車等..
我想,呢D場面都係青少年渴望在現實經歷的..
或者現實唔會有可能係華麗的莊園同心上人表白.
劇集讓我們可以幻想一下這樣甜蜜的情節.




繼那些年之後,這是另一套令我著迷的劇..
我到依家都仲係好喜愛入面的內容..
特別係某幾幕感人的場境..
實在很享受這十多小時呢..
一路睇,我都有反思自己點睇愛情..
套劇幾感人都好,似終都係影響唔到我的想法.
角色之間講求的是感覺..因為有feel,故渴望走在一起..
沒有委身,沒有承諾,也沒有足夠的內心交流..
這種愛,實在太虛幻了..
我到依家都仍然非常認同wesley所說的--愛是一個決定..

如果你跟我說，愛是一種感覺的話。那麼，請你想想，有朝一日，你為你垂垂老去，甚至可能患上老人痴呆症的太太更換成人尿片、幫她洗澡、給她餵飯時，你還愛不愛她呢？她沒有能力給你任何的回報，連一句多謝，一個眼神也不能給你。你固然可能會因為責任而繼續照顧她，但是，你還愛不愛她呢？或者你說這例子太極端，那麼，請你想想，若果你太太跟你沒有什麼好談，說來說去都是關於小朋友的 rountine，其餘時間，你有你的生活，她有她的忙碌，兩人只是同床異夢，你還愛不愛她呢？
我們要問自己的最根本一個問題：當她不再可愛時，你還愛不愛她呢？
唯有，當我們看到愛不是一種感覺，而是一個決定，我們才能愛到底。是的，是「愛 ﹣ 到 ﹣ 底！」。唯有當我們下了決定，才有愛到底的力量，才能度過風急浪高的日子。

一段日子之後再看這段文字,仍然是覺得好正..真係擲地有聲喔.
那份負擔,那份委身,先係我想追求的..
我想找的,是一個我可以安心將內心世界內既祕密及煩惱交付她的人..
尋找的道路很漫長,長得很易令人胡思亂想..
14個月,很快就過了..
無聲無色中, 想了很多東西..中間,也有想放縱的時間.
一些感覺&事情也曾影響我的內心.
不過靜下來後,,我再次肯定我的目光應該放在哪裡..
我相信神會告訴我佢既安排的.


============
超鐘意Romance呢首歌,我不斷咁重播左成兩個月.. @@